Ручъы комы цы кусджытæ уыд, уыдонæн Уанелы хъæуы цур цæрæн хæдзæрттæ амад уыд æмæ-иу се ᾿хсæв уым æрвыстой. Адæмы ᾿хсæн уыцы бынат хонын райдыдтой Кусджыты хъæу.
Иры Националон Советы уæнгтæ æртымбыл сты агъуыстмæ. Бирæ ныхасы фæстæ иууылдæр æрцыдысты иу хъуыдымæ. Политикон уавæр уыд тæссаг æмæ Сырх Æфсадæн фæндаг хъуыд самал кæнын. Уырыс дæр æмæ цæгат дæр иуæрдыгæй уыдысты. Гаглойты Георгий æмæ æртындæс адæймаджы Матейы къордæй сæ фæндаг скодтой Цъунармæ.
Ручъы ᾿фцæджы сæрмæ куыст йæ тæккæ тæвдыл куыд уыд, уыцы рæстæг Цъунары Гаглойты Георги йæ сахъ æмгæрттимæ æнхъæлмæ каст фембæлды гуырдзиаг фарсмæ. Гаглойты Георгий зыдта Гуырдзыйы хицауады сау хъуыды, æмæ Церетелийы та ноджы хуыздæр зыдта. Лæгъз æвзаг калмы дæр йæ хуынкъæй рабырын кæндзæн, фæлæ Церетели йæ маргæй афтæ ныууæззау ис, æмæ Георгийы лæгъз ныхасмæ рабырынхъом дæр нал уыд. Георгий та зыдта меньшевикты хицауад Гуырдзыстоны бирæ кæй нал ахæсдзæн, хъуыди рæстæгмæ ирон адæмы бахизын, æмæ уыцы ныфс, куыд гуырдзыйы парламенты уæнг æвæрдта йæхи бæрзæйыл.
Дарддæр аудиочиныгмæ хъусут Sputnik Хуссар Ирыстоны.
Бежанты Æхсары чиныг "Хур арты куы басыгъд".