ЦХИНВАЛ, 6 сен – Sputnik. Хуссар Ирыстоны мидхъуыддӕгты министрады кусджытӕ ссардтой Цхинвалы дыууӕ хӕлцадон дуканийы тобӕгонд энергетикон нозт "Flash Energy"-йы 310 авджы. Уый тыххӕй хъусын кӕны уагдоны пресс-службӕ.
"Фӕткхалджыты ныхмӕ сарӕзтӕуыд административон ӕрмӕджытӕ РХИ закон "Æнæалкоголон æмæ лæмæгъалкоголон нозты æрбаласт, рауагъд, парахат æмæ реализацийыл тобæйы фæдыл"-ы 4-ӕм статья фехалыны тыххӕй", - дзырдӕуы хъусинаджы.
Хуссар Ирыстоны энергетикон нозты реализацийыл тобæ сæвæрдтой 2012 азы. Фæткхалджыты фæдыл законмæ гæсгæ нысангонд у ивар административон фехæлды æрмæджыты конфискациимæ.