ЦХИНВАЛ, 9 сен – Sputnik. Цӕгат Ирыстоны МХМ делегаци министр Андрей Сергеевы сӕргълӕудӕй ӕрцыд кусӕгон балцы хуссарирыстойнаг республикӕмӕ. Уый тыххӕй хъусын кӕны Хуссар Иры МХМ пресс-службӕ.
Уазджытыл сӕмбӕлдысты республикӕмӕ ӕрбахизӕны барадхъахъхъӕнӕг органы къухдариуӕгады минӕвӕрттӕ.
Балцы фӕлгӕтты нывӕзтгонд у фембӕлд Хуссар Ирыстоны президент Гаглойты Аланимӕ, афтӕ ма дыууӕ республикӕты мидхъуыддӕгты министрӕдты дыууӕварсон комитеты рабадт, цы ран скъуыддзаг цӕудзысты арӕнгӕрон ӕмгуыстады фарстытӕ.
Уымӕй дарддӕр ма делегацийы балцы программӕйы ис Фыдыбӕстӕ Хъахъхъӕнджыты мемориалмӕ дидинджытӕ сӕвӕрын ӕмӕ Национ музеймӕ бацӕуын.