ЦХИНВАЛ, 11 сен - Sputnik. Хуссар Ирыстоны 59 азы кары йæ цардæй ахицæн республикæйы адæмон артист, Цæгат Ирыстоны сгуыхт артист Наниты Виталий.
"Паддзахадон драмон театр фесæфта йæ иууыл курдиатджындæр артисттæй сæ иуы. Уый канд диссаджы актер нæ уыд, фæлæ ма уыд хорз адæймаг дæр", - загътой театры пресс-службæйы.
Уагдоны ма банысан кодтой, Наниты Виталий кæй архайдта бирæ спектакльты, фæлæ дæргъвæтин рынчыны аххосæй йæ бон бирæ рæстæг рахицæн кæнын нæ уыд сценæйæн.