ЦХИНВАЛ, 12 сен– Sputnik, Плиты Фатимӕ. Хуссарирыстойнаг ӕвзонг боксер Сиукъаты Батрадз ссис Минводты уагъд цӕуӕг VI-ӕм гом турниры уӕлахиздзау, фехъусын кодта спортсмены тренер Санахъоты Аслан.
Ерыстӕ нывонд уыдысты уӕлдӕр категорийы тренер Валерий Поповы рухс номӕн.
"Ӕрдӕгфиналы рамбылдта Донецкы адӕмон республикӕйы минӕвары, финалы та ныддӕрӕн кодта фысым боксеры", - загъта тренер.
Сиукъаты Батрадз архайдта 57 кг уӕзы категорийы. Лӕппуйы цӕттӕ кӕнынц тренертӕ Санахъоты Аслан ӕмӕ Ӕлборты Алан спорты галуан "Олимп"-ы Цхинвалы.