ЦХИНВАЛ, 14 сен – Sputnik. Атахтытыл арӕнӕвӕрдты режим Уӕрӕсейы 11 аэропорты адарддӕр кодтой 2022 азы 22 сентябры онг. Уый тыххӕй хъусын кӕны Росавиаци.
"Рӕстӕгмӕ арӕнӕвӕрдтӕ ӕххӕссынц Анапӕ, Белгород, Брянск, Воронеж, Геленджик, Краснодар, Курск, Липецк, Ростов-на-Дону, Симферополь ӕмӕ Элистайы аэропорттӕм батахтытыл", - дзырдӕуы хъусинаджы.
Уӕрӕсейы аннӕ аэропорттӕ кусынц штатон режимы. Аэропорттӕм атахтытыл арӕнӕвӕрдтӕ бакодтой 24 февралӕй фӕстӕмӕ.