ЦХИНВАЛ, 28 сен — Sputnik. Йӕ цардӕй ахицӕн медиакъорд "Россия сегодня"-йы раззагон журналист, агентады ахуырадон программӕты къухдариуӕггӕнӕг Олег Щедров.
Ахуырадон проект SputnikPro фӕлгӕтты Щедров уыд Хуссар Ирыстоны цалдӕр хатты, цы ран уагъта мастер-класстӕ бынӕттон журналисттӕн. Уый-иу бамбарын кодта, зӕгъгӕ, цыфӕнды хуымӕтӕг ног хабарӕй дӕр саразӕн ис цымыдисон истори, уый тыххӕй хъӕуы сдзуапп кӕнын сӕйраг фарстӕн - уый цӕй тыххӕй хъуамӕ бацымыдис кӕна кӕсӕджы.
"Бауарзут уӕ ӕрмӕг, саразут ӕй уӕхицӕн цымыдисон - уый мидӕг ис ӕнтысты формулӕ журналистӕн", - дзырдта Щедров мастер-классты рӕстӕджы.
Щедров фӕкуыста уацхӕссӕгӕй Уӕрӕсейы ӕмӕ дунейы раззагондӕр информацион агентадты - Интерфакс, ИТАР-ТАСС, Рейтер, РИА Новости ӕмӕ ӕнд.