ЦХИНВАЛ, 25 окт – Sputnik. Запорожаг областон телекомпани "ЗаТВ"-йы бæстыхайы раз Мелитополы дыццæджы райсом æрцыд теракт – спырх ис хиарæзт рæмудзæн æрмæг, хъусын кæны РИА Новости Запорожаг областы администрацийы сæйраг советы уæнг Владимир Роговыл æнцойгæнгæйæ.
"Нæ областон телекомпани "ЗаТВ"-йы бæстыхайы раз Мелитополы æрцыд теракт. Развæлгъау информацимæ гæсгæ, спырх ис хиарæзт рæмудзæн æрмæг", - хъусын кæны агентад Роговы ныхæстæ.
Йæ ныхæстæм гæсгæ, срæмыгъд бахъыгдардта бæстыхайы фасад æмæ рудзгуытæ. Цæфтæ райстой фондз адæймаджы - "ЗаМедиа" холдингы кусджытæ æмæ æндæр сабыр цæрджытæ. Бынаты кусынц экстренон службæтæ.