ЦХИНВАЛ, 28 окт – Sputnik. Милицийы сæрмагонд нысаниуæджы къорды кусджытæ сæххæст кодтой асткилометрон марш-бросок микрорайон "Хурзæрин"-æй Присы хъæумæ. Уый тыххæй хъусын кæны Хуссар Ирыстоны МХМ пресс-службæ.
"Гæззаты Вадимы номыл милицийы сæрмагонд нысаниуæджы къорды кусджытæ сæххæст кодтой 8-километрон марш-бросок микрорайон "Хурзæрин"-æй Присы хъæумæ", - дзырдæуы хъусинаджы.
Хуссар Иры МСНК кусджытæн басгæрстой сæ фæразондзинад
© Пресс-служба МВД РЮО
Марш-бросок уагъд цыд къорды дæлхайæдты хсæн ерысты хуызы. Фæд-фæдыл стартмæ рахызтысты аст командæйы хæстон экипировкæйы.
"Алкæцы командæйы сконды дæр уыдысты фондз хæстоны. Уæлахиздзау ссис дистанци къаддæр рæстæгмæ чи ацыд, уый", - дзырдæуы хъусинаджы.
Марш-бросокы уæлахиздзау ссис фыццæгæм оперативон ротæ. Дыккаг бынат бацахста æртыккæгæм оперативон ротæ. Æртыккаг бынатыл та ацыд дыккæгæм оперативон ротæ.
Хуссар Иры МСНК кусджытæн басгæрстой сæ фæразондзинад
© Пресс-служба МВД РЮО