ЦХИНВАЛ, 29 ноя — Sputnik. Цæгат Ирыстоны сæргълæууæг Сергей Меняйло фехъусын кодта 2024 азмæ республикæйы байгом уыдзысты 140-æй фылдæр "Точка роста"-йы. Регионы къухдариуæггæнæг куыд банысан кодта, афтæмæй ныртæккæ Цæгат Ирыстоны архайынц ахæм объекттæй 81, 2024 азмæ сæ нымæц фæфылдæр уыдзæн 141-мæ.
Ахуырадон центртæ кусдзысты 60 скъолайы базæйыл, уыдоны нымæцы республикæйы хъæууон скъолатæ дæр. Скъоладзаутæн фæзындзæн фадат фæарфдæр кæнын сæ зонындзинæдтæ физикæ, хими æмæ биологийæ.
"Точка роста" у цифрæйон, техникон æмæ гуманитарон профильты ахуырадон центрты федералон хызæг, организацигонд æрцыд проект "Современная школа"-йы фæлгæтты. Центртæ сты ахуырадон организациты структурон дæлфадгуытæ. Сæ нысан у ахуырад уæлдæр æмвæзадмæ сисын, радтын æмхуызон ахуыры уавæртæ, сæ цæрыны бынатмæ æнæкæсгæйæ.