ЦХИНВАЛ, 30 ноя — Sputnik. Хуссар Ирыстоны президент Гаглойты Алан бабæрæг кодта сæрмагонд æфсæддон операцийы зонæ, цæмæй балæууа ирон хæстонты фарсмæ. Президент фембæлд 4-æм æфсæддон базæйы æфсæддонтæ æмæ хуссарирыстойнаг бархионтимæ. Гаглойты Алан радта æфсæддонтæн техникон фæрæзтæ æмæ экипировкæ. Уый тыххæй фехъусын кодта паддзахады сæргълæууæджы пресс-секретарь Босыкты Наталья.
"Президент æрцыд фронтмæ хæстæг горæт Мелитопольмæ, цы ран хæстонтæн радтой разысгæрсты фæрæзтæ – квадрокоптертæ, тепловизортæ, рацитæ æмæ æндæр техникон фæрæзтæ. Гуманитарон уаргъы ма ис зымæгон æфсæддон экипировкæ, хостæ, генератортæ æмæ хæлцадон продукттæ" – загъта пресс-секретарь.
Хуссар Иры президент фембæлд æфсæддонтæ æмæ бархионтимæ СÆО-йы зонæйы
© Пресс-служба президента РЮО
Йæ ныхæстæм гæсгæ, президенты йæхæдæг федта, хæстонтæн æнæмæнгхъæугæ æрмæджытæ кæй ис сæ хæслæвæрдтæ æххæст кæнынæн.
Президент раарфæ кодта ирон æфсæддонтæн æмæ сын бузныг загъта сæ хъайтардзинады тыххæй, кæцы уыдон æвдисынц æрвылбон, бахахх кодта Босыкты Наталья.
Пресс-секретарь ма бафтыдта, зæгъгæ, гуманитарон æххуыс æрвыст цæудзæн систематикон æгъдауæй.
Хуссар Иры президент фембæлд æфсæддонтæ æмæ бархионтимæ СÆО-йы зонæйы
© Пресс-служба президента РЮО