ЦХИНВАЛ, 30 ноя — Sputnik. Цæгат Ирыстоны æрныхас кодтой цæрджытæ æмæ территориты æдасдзинад бахъахъхъæныны тыххæй уæрæсейаг регионты зымæджы зæйты рацыдæй.
Цæгат Ирыстоны УУМ пресс-службæ куыд хъусын кæны, афтæмæй уæлвæткон уавæртæ развæлгъау базонын æмæ ликвидаци скæныны комиссийы рабадты хайадисджытæ уæлдай хъусдард аздæхтой тæссаг уавæртæй Транскавказаг магистраль бахъахъхъæныны фарстмæ.
Рабадты хайадисджытæ банысан кодтой азымæджы сæйраг нысан – æмбæлон уагдонтæ хъуамæ цæттæ уой алыхуызон уæлвæткон уавæртæм тагъд реакци кæнынмæ.