ЦХИНВАЛ, 12 дек — Sputnik. Хуссар Ирыстоны юстицийы министр Гаглойты Олег 14 декабры ацæудзæн Мæскуымæ кусæгон балцы. Йемæ ацæудзæн Хуссар Ирыстоны реестры разамонæг Коцты Алена, хъусын кæны Юстицийы министрады пресс-службæ.
"Балцы фæлгæтты нывæндынц фембæлын Паддзахадон регистраци, кадастр æмæ картографийы Федералон службæйы (Росреестр) разамонæг Олег Скуфинскиимæ, афтæ ма бафысдзысты фæндагон картæ, цæмæй комплексон методикон æмæ практикон æххуыс бакæной Республикæ Хуссар Ирыстоны паддзахадон регистраци, кадастр æмæ картографийы службæйæн", - дзырдæуы хъусинаджы.
Балц нывæндынц уæрæсейаг фарсы æрхуындмæ гæсгæ Юбилейон Х Петербургаг æхсæнадæмон юридикон форумы быдырты бадзырдты фæлгæтты, кæцыйы хайад райстой РХИ Юстицийы министрады минæвæрттæ.