ЦХИНВАЛ, 14 дек – Sputnik. Хуссар Ирыстоны президент Гаглойты Алан радта Кады нæмттæ æмæ грамотæтæ Тугъанты Махарбеджы номыл Цхинвалы аивадон ахуыргæнæндоны кусджытæн, кæцытæ абон нысан кæнынц уагдоны 85 азы юбилей.
Президент бахахх кодта, аивадон ахуыргæнæндоны кусджыты профессионализм кæй æрбаздахы æрвылаз бирæ абитуриентты.
"Зæрдæ райы, нæ курдиатджын фæсивæд сæ куыстытæ фæсарæнты куы бавдисынц, æмæ уымæй сæ адæмы культурæ размæ кæй кæнынц", - загъта Гаглойты Алан.
Хуссар Иры президент раарфæ кодта Цхинвалы аивадон ахуыргæнæндоны кусджытæн
© Пресс-служба президента РЮО
Культурæйы министр Зæгъойты Рада дæр раарфæ кодта ахуыргæнæндоны коллективæн бæрæгбоны цытæн.
"Аивадон адæймаг бавæры йæ уд йæ куыстыты, æмæ уырдыгæй стæй цæуы сæрмагонд энергетикæ. Стыр бузныг уын уæ куысты тыххæй. Мæ цæст уын уарзы фидæны æнтыстытæ куысты", - загъта министр.
Хуссар Иры президент раарфæ кодта Цхинвалы аивадон ахуыргæнæндоны кусджытæн
© Пресс-служба президента РЮО