ЦХИНВАЛ, 21 дек — Sputnik, Гæбæраты Элина. Цхинвайлаг грэпплер Пæррæстаты Олег фæуæлахиз ис ACBJJ версимæ гæсгæ дунейы чемпионаты бразилиаг джиу-джитсуйæ Санкт-Петербурджы. Спортсмены тренер Гобозты Эльрус куыд хъусын кæны, афтæмæй йæ хъомылгæнинаг ралæууыд 55 кг уæзы категорийы 18-20 кары спортсменты ᾿хсæн.
"Нæ командæйы сконды уыд фондз спортсмены, уыдонæй фæуæлахиз ис Пæррæстаты Олег. Равдыста йæхи хорз, фæлæ йын уæддæр чысыл фиппаинæгтæ ис. Кусдзыстæм дарддæр, нæ рæдыдтытæ раст кæндзыстæм", - банысан кодта тренер.
Гобозты Эльбрус бузныджы ныхæстæ загъта республикæйы президент Гаглойты Аланæн æмæ дзулфыцæн комбинаты директор Цхуырбаты Вадимæн спорстментæн финансон æххуысы тыххæй.
ACBJJ - абсолютон чемпионат бразилиаг джиу-джитсуйæ. Гом чемпионат ауагъдæуыд æппæт дунейы атлеттæн æмæ цыд æхсæз боны дæргъы 13-18 декабры. Тох кодтой 10 татамийыл. Ерыстæн аргъ кодтой тæрхонгæнджыты бригадæ 30 адæймаджы скондæй. Хайад дзы райстой 3300 спортсмены æппæт дунейæ.