ЦХИНВАЛ, 29 дек – Sputnik. Ацы азы Хуссар Ирыстоны "Азы æвзонг адæймаг"-ы хорзæхкæныны церемонийы æрбавдисдзысты дæс номинацийы, фехъусын кодта Sputnik республикæйы спорт æмæ фæсивæдон политикæйы комитеты сæргълæууæджы хæдивæг Гатыгкоты Валентина. Йæ ныхæстæм гæсгæ традицион номинацитæй дарддæр ма дзы ацы аз уыдзæн ног номинацитæ дæр.
"Æвзæрстытæ цæудзысты æрвылазон фæткмæ гæсгæ. Азы дæргъы нæ хъус дарæм фæсивæды минæвæрттæ сæхи куыд æвдисынц, уымæ, кæддæрты кары арæнтæй дæр ахизæм, уымæн æмæ адæймаг стыр хайбавæрд бахæссы республикæйы райрæзтмæ. Йæ хайбавæрд чи бахæссы, уыдонæй равзарæм иууыл активондæрты. Номинацитæ "Азы студент", "Азы медицинон кусæг" - предентентты нæм æрбавдисынц комкоммæ профилон уагдæттæ", - загъта Гатыгкоты Валентина.
Спорт æмæ фæсивæдон политикæйы комитеты сæргълæууæджы хæдивæг бафтыдта, номинанттæ кæй райсдзысты "Амраны"-ы статуэткæ – ирон эпос "Даредзанты кадджыты" мифон персонаж, афтæ ма диплом.
Преми "Азы адæймаг" уагъд цæуы цыппæрæм аз. Фарон акци ахастæуыд Хуссар Ирыстоны æвæрд арæнæвæрдты тыххæй. Акци сорганизаци кодтой Хуссар Ирыстоны фæсивæдон политикæ æмæ спорты комитет республикæйы Россотрудничествойы минæварады æххуысæй.