ЦХИНВАЛ, 29 дек – Sputnik. Хуссар Ирыстоны столицæйы æрцыд фæндагон-транспортон цау (ФТЦ), хъусын кæны республикон Мидхъуыддæгты министрады (МХМ) пресс-службæ.
Авари æрцыд æхсæвы, горæты стадионы цур. Фæндаг нæ адих кодтой хæдтулгæтæ "ВАЗ-2109" æмæ "Toyota Camry".
Аварийы фæстиуæгæн "ВАЗ-2109" хæдтулгæйы шофыр бахаудта рынчындонмæ буары цæфтимæ.
Барадхъахъхъæнджытæ бæрæг кæнынц фæндагон-транспортон цауы фæстиуджытæ.