ЦХИНВАЛ, 11 янв — Sputnik. Уæрæсейы Федерацийы Хъахъхъæнынады министрады фехъусын кодтой, иу суткæмæ уæрæсейаг авиаци æмæ артиллери кæй фехстой украинæйаг батальоны командон пункт Артемовскы.
"Донецкаг Адæмон Республикæйы Артемовск горæты районы оперативон-тактикон æмæ æфсæддон авиаци, ракетон æфсæдтæ æмæ артиллерийы цæфтæй скуынæг кодтой Украинæйы Гарзджын тыхты 57-æм мотопехотон бригадæйы командон пункт", - дзрыдæуы Хъахъхъæнынады министрады хъусинаджы.
Афтæ ма иу суткæмæ скуынæг кодтой 74 артиллерион дæлхайады, удæгас тыхтæ æмæ хæстон техникæ 113 районы.
Ӕдӕппӕт сӕрмагонд ӕфсӕддон операцийы райдайӕнӕй скуынӕг кодтой: 371 хӕдтӕхӕджы, 200 вертолеты, 2868 ӕнӕпилотон тӕхӕг аппараты, 400 зенитон ракетон комплексы, танктӕ ӕмӕ ӕндӕр бронетехникӕйы 7473 иуӕджы, залпон ӕхсты реактивон системӕты 976 иуӕджы, быдырон артиллери ӕмӕ минометты 3809 сармадзаны, сӕрмагонд ӕфсӕддон автомобилон техникӕйы 8006 иуӕджы.