ЦХИНВАЛ, 19 янв – Sputnik. Дзæуджыхъæуы æрцыд фæндагон-транспортон цау (ФТЦ) пассажирон автобусы хайадистæй. Уый тыххæй хъусын кæны Цæгат Ирыстоны МХМ пресс-службæ.
Авари æрцыди 18 январы Зоя Космодемьянская æмæ Къостайы проспекты алвæндаджы.
"Развæлгъау бæрæггæнæнтæм гæсгæ, "Газель"-ы шофыр цыд Къостайы проспектыл, Гугкаты уынджы᾿рдыгæй Калинины уынджы ᾿рдæм. Зоя Космодемьянская æмæ Къостайы проспекты алвæндаджы сæмбæлд "Хендай Солярис" хæдтулгæимæ, кæцы цыд йæ ныхмæ", - дзырдæуы хъусинаджы.
Барадхъахъхъæнæг уагдоны банысан кодтой, ФТЦ фæстиуæгæн зианбаййафджытæ нæй.