ЦХИНВАЛ, 20 янв – Sputnik. Цæгат Ирыстоны сæргълæууæг Сергей Меняйло фембæлд Украинæйы сæрмагонд æфсæддон операцийы фæмардуæвæг æфсæддонты бинонтимæ.
Хъайтардзинад æмæ хъæбатырдзинады тыххæй, кæцытæ равдыстой æфсæддон хæс æххæст кæныны рæстæджы, Националон гвардийы æфсæдты Федералон службæйы кæстæр сержант æмæ ефрейтор райстой Хъайтардзинады ордентæ (мæлæты фæстæ).
Цæгат Иры сæргълæууæг радта Хъайтардзинады ордентæ фæмардуæвæг æфсæддонты бинонтæн
© Photo : Пресс-служба главы и правительства Северной Осетии
Сергей Меняйло тæфæрфæс ракодта хъайтарты хиуæттæн æмæ сын радта хорзæхтæ.
"Бузныг уын, Фыдыбæстæйы æцæг патриотты кæй схъомыл кодтат, уый тыххæй. Мах никуы ферох кæндзыстæм хъайтарты, кæцытæ сæ цард снывонд кодтой нæ бæстæйы сабыр фидæнæн", - загъта Меняйло.
Республикæ дарддæр æххуыс кæндзæн хæстонты бинонтæн, кæцытæ фæмард сты æфсæддон хæс æххæстгæнгæйæ, бафтыдта регионы сæргълæууæг.