ЦХИНВАЛ, 30 янв – Sputnik, Гæбæраты Элина. Хуссар Ирыстоны æрмхæцджытæ ссисты Цæгат Ирыстоны чемпионаты призертæ. Армспорты тренер Джиоты Валерий куыд радзырдта, афтæмæй уый уыд æвзарæн турнир Уæрæсейы чемпионатмæ, кæцы ацæудзæн апрелы горæт Орелы.
"Хæбæлаты Арсен (85кг) бацахста фыццаг бынат, Кокойты Давид та (85 кг) дыккаг бынат. Дыгъуызты Милена (70 кг) ацыд æртыккаг бынатыл. Арсен æмæ Давид бахаудтой Цæгат Ирыстоны командæйы скондмæ. Уыдон хайад райсдзысты Уæрæсейы чемпионаты", - банысан кодта Джиоты Валерий.
Спортсментæ хъахъхъæнынц Спорты галуан "Олимп" æмæ сывæллæтты-æрыгæтты спортивон скъолайы кад. Спортсменты тренертæ сты Джиоты Валерий æмæ Гасситы Сослан.
Хуссар Ирыстоны æрмхæцджытæ ссисты Цæгат Ирыстоны чемпионаты призертæ
© Photo : Из личного архива тренера В. Джиоева