ЦХИНВАЛ, 2 фев – Sputnik. Уадзæн пункт "Чермен"-ы полицийы кусджытæ ссардтой Цæгат Ирыстоны цæрæджы хæдтулгæйы психотропон буарадтæ, хъусын кæны МХМ пресс-службæ.
"Федералон контролон-уадзæн пункт "Чермен"-ы полицийы кусджытæ æрурæдтой хæдтулгæ, кæцы цыд Грозный – Дзæуджыхъæу маршрутыл, æмæ йыл скъæрдта Цæгат Ирыстоны 29-аздзыд цæрæг", - дзырдæуы хъусинаджы.
Басгæрсты рæстæджы хæдтулгæйы полицийы кусджытæ ссардтой сырх-урс хуызы 12 капсулæ æмæ урс хуызы цыппар таблеткæйы.
Экспертизæ сбæлвырд кодта, капсулæты кæй ис тобæгонд буарад "прегабалин".