ЦХИНВАЛ, 10 фев — Sputnik. Хуссар Ирыстоны Хъахъхъæнынады министрады (ХМ) цыты караулы ротæйы æфсæддонтæ цæуынц хисæрмагонд цæттæкæнынад, хъусын кæны хъахъхъæнынадон уагдоны пресс-службæ.
Ахуыртæ хæцæнгарзы материалон хай æмæ характеристикæты фæдыл, æфсæддон топографи, медицинон цæттæкæнынад æмæ æндæр æфсæддон дисциплинæтæй уагъд цæуынц Хъахъхъæнынады министрады ахуырадон центры хистæр офицерты къухдариуæгады бын.
Иннæ этапыл æфсæддонтæн ауадздзысты ахуыртæ æхсыны цæттæкæнынады фæдыл.
Уагдоны бафтыдтой, зæгъгæ, хисæрмагонд цæттæкæнынад дæлхайæдты уагъд цæуы, цæмæй æфсæддонтæ хуыздæр бамбарой ахуырады программæтæ, афтæ ма сæ профессионалон минуджытæ фæхуыздæр кæнынæн.