ЦХИНВАЛ, 13 фев — Sputnik. Хуссар Ирыстоны æвзонг спортсменкæ Уалыты Тамила рамбылдта фондз хорзæхы ленк кæнынæй ерысты Ессентукты, радзырдта Sputnik тренер Евгения Терлеева.
Ерысты, кæцытæ нывонд уыдысты Александр Клюкины мысæнæн, Хуссар Ирыстоны командæ хайад исы 2019 азæй фæстæмæ.
Хуссар Иры ленкгæнджытæ æнтыстджынæй ралæууыдысты ерысты Ессентукты
© Из личного архива Е. Терлеевой
Терлеевайы ныхæстæм гæсгæ, Ессентукты Хуссар Ирыстоны кад хъахъхъæдтой 16 спортсмены 10-12 азы кары, кæцытæ тренировкæ кæнынц ленк кæныны бассейнтæ "Дельфин" æмæ "Олимп"-ы базæйыл.
"Уалыты Тамила у уæлахиздзау 200 метры дистанцимæ уæгъдибар стилы, дыууæ хатты бронзæйон призер 50 метры дистанцимæ "баттерфляй" стилæй æмæ 50 метры дистанцимæ "фæсонтыл", афтæ ма дыууæ хатты æвзист призер "баттерфляй" æмæ "фæсонтыл" стилы", - загъта тренер.
Терлеева банысан кодта, ерыстæм спортсменты кæй бацæттæ кодтой тренертæ Тъотъоты Хасан, Плиты Ацæмæз, Алиса Жаркова, Тедеты Марик, Тыджыты Чермен, Евгения Терлеева.