ЦХИНВАЛ, 13 фев — Sputnik. Хуссар Ирыстоны территорийыл ивгъуыд къуыри барадхъахъхъæнæг органты кусджытæ срегистраци кодтой дыууæ фыдракæнды. Афтæ ма алыгъуызон фæткхæлдты тыххæй бæрнмæ æрбаздахтой цалдæр адæймаджы, хъусын кæны республикæйы Мидхъуыддæгты министрады (МХМ) пресс-службæ.
Афтæ ма ацæугæ къуыри республикæйы фæндæгтыл æрцыд дыууæ фæндагон-транспортон цауы. Аваритæй иуы фæстиуæгæн медицинон уагдонмæ бакодтой дыууæ адæймаджы, госпитализаци сæ нæ бахъуыд.
Пресс-службæйы бафтыдтой, зæгъгæ, иу къуыримæ паддзахадон автоинспектортæ сбæлвырд кодтой фæндагон змæлды 250 фæткхалды. Æхсæз шофыры фæдыл сарæзтæуыд административон протоколтæ автотранспорт нозтджынæй скъæрыны тыххæй.