Хуссар Иры банысан кодтой хæстонтæ-интернационалистты мысæн бон

ЦХИНВАЛ, 15 фев – Sputnik. Хуссар Ирыстоны столицæйы банысан кодтой Афганистанæй советон æфсæдты ракæныны 34-æм афæдзыбон.

Цхинвалы æрвылаз 15 февралы нысан кæнынц хæстонтæ-интернациалистты официалон мысæн бон.

Æртыццæджы хæстонтæ-интернационалистты цыртдзæвæнмæ дидинтæ сæвæрыны церемонийы хайад райста республикæйы къухдариуæгад президент Гаглойты Аланы сæргълæудæй, Уæрæсейы минæварады уæнгтæ, Афганистаны хæсты ветерантæ, 4-æм уæрæсейаг æфсæддон базæйы минæвæрттæ, скъола-интернаты ахуырдзаутæ æмæ æхсæнады минæвæрттæ.

Республикæйы президент бузныг загъта ветерантæн æмæ банысан кодта, хæстонтæ-интернационалисттæ кæй сты хъæбатырдзинады дæнц фидæны фæлтæртæн.

"Алчидæр нæ хъуамæ хъуыды кæна æмæ кад кæна нæ лæппуты сгуыхтдзинадæн, кæцытæ хъæбатырæй æххæст кодтой се ‘фсæддон хæслæвæрдтæ", - загъта Гаглойты Алан.

Хуссар Иры банысан кодтой хæстонтæ-интернационалистты мысæн бон

Паддзахады сæргълæууæг бафтыдта, зæгъгæ, абоны бон дæр Хуссар Ирыстоны хæстонтæ кадимæ фæлхатт кæнынц хæстонтæ-интернционалистты сгуыхтдзинад.

"Хуссар Ирыстоны хæстонтæ активон хайад исынц сæрмагонд æфсæддон операцийы Украинæйы æмæ хъахъхъæнынц нæ Фыдыбæстæйы интерестæ", - бахахх кодта президент.

Хуссар Иры банысан кодтой хæстонтæ-интернационалистты мысæн бон

Уæрæсейы минæвар Хуссар Ирыстоны Марат Кулахметов банысан кодта, Афганистаны хæсты ветерантæй кæй хъуамæ уой сæрыстыр.

"Абон мах кад кæнæм хъæбатыр лæппуты фæлтæрæн, кæцытæ цæсгомджынæй æххæст кодтой се ‘фсæддон хæслæвæрд. Дарддæры цаутæ 90-æм азты равдыстой, уыцы лæппутыл кæй ис æууæнк. Мах сын иууылдæр хъуамæ кæнæм сæ нæмттæ", - загъта минæвар.

Хуссар Иры банысан кодтой хæстонтæ-интернационалистты мысæн бон

Хуссар Ирыстонæй Афганистаны хæстон архæйдтыты хайад истой 200-йæ фылдæр æвзонг лæппуйы. Уыдонæй авдæй нал æрыздæхтысты. Иууылдæр сæ схорзæхджын кодтой ССРЦ ордентæ æмæ майдантæй.

Хуссар Иры банысан кодтой хæстонтæ-интернационалистты мысæн бон