ЦХИНВАЛ, 1 мар — Sputnik. Хуссар Ирыстоны президент Гаглойты Аланы ПЦР-тест равдыста ӕппӕрццаг фӕстиуӕг, уый ацӕугӕ къуырийы дӕргъы уыд хисӕрмагонд изоляцийы, короновирусӕй кӕй фӕрынчын, уый тыххӕй. Паддзахады сӕргълӕууӕг ӕввахс рӕстӕджы ӕрӕвналдзӕн куыстмӕ. Уый тыххæй фехъусын кодта ӕртыццӕджы президенты пресс-секретарь Босыкты Наталья.
"Нӕ президент фæстаг бонты дæргъы радта тесттæ коронавирусон инфекци сбæрæг кæныны фæдыл, уыдон иууылдæр равдыстой æппæрццаг фæстиуæг. Гаглойты Алан йæхи хаты хорз æмæ тагъд рæстæджы æрæвналдзæн куыстмæ", - загъта Босыкты Наталья.
Ивгъуыд къуырийы райдайæны Гаглойты Алан æрцыд кусæгон балцы уæрæсейаг столицæмæ, цы ран ын сбæрæг кодтой коронавирус. Хуссар Ирыстоны сæргълæууæг ацыд карантинмæ æмæ хоскæнынад цыд Мæскуыйы.