ЦХИНВАЛ, 2 мар – Sputnik, Гæбæраты Элина. Хуссар Ирыстоны столицæйы цæуынц бæлæсты санитарон цæгъдыны куыстытæ. Куыд фехъусын кодта Sputnik Цхинвалы администрацийы æвджид хæрзарæзтады фæткдаруаты сæргълæууæджы хæдивæг Джиоты Филипп, афтæмæй куыстыты арæнæвæрды коммуналон службæйы кусджытæ цæгъдынц хус къалиутæ, афтæ ма æркастысты бæлæсты сагъдтæм горæты арæнты.
Бæлæсты уавæрæн аргъ кæны сæрмагонд къамис, йе сконды республикæйы хæрзарæзтады фæткдаруаты æмæ хъæды хæдзарады кусджытæ.
"Мах кусæм куыд нывæстмæ гæсгæ, афтæ горæты цæрджыты куырдиаттæм гæсгæ дæр. Нæ нысан у бæлæстæн хæрзгъæд эстетикон хуыз сифтон кæнын, горæты цæрджытæн та æдасдзинад", - банысан кодта ныхасæмбал.
Куыстытæ, йæ ныхæстæм гæсгæ, цæуынц столицæйы централон уынгтыл.
Джиоты Филипп банысан кодта, цæгъдыны хъуыддаг æнæмæнг у бæлæстæ сног кæнын æмæ кронæйæн рæсугъд хуыз радтыны тыххæй.