ЦХИНВАЛ, 9 мар — Sputnik. Зæйтæ æрцæуыны тæссагдзинад 9 марты расидтысты Цæгат Ирыстоны хæхты, хъусын кæны Уæрæсейы Уæлвæткон уавæрты министрады (УУМ) регионалон хайад.
"Федералон паддзахадон бюджетон уагдон "Цæгат Кавказы æфсæддон службæ"-йы информацимæ гæсгæ, фарастæм марты изæры æхсæз сахаты онг Цæгат Ирыстоны хæххон районты ис зæйтæ æрцæуыны тæссагдзинад", - дзырдæуы уагдоны хъусинаджы.
УУМ бафтыдтой, зæгъгæ, зæйтæ æрцæуыны тæссагдзинады тыххæй республикæйы Алагиры районы территорийыл гæнæн ис фæзыной уæлвæткон уавæртæ.