ЦХИНВАЛ, 15 мар — Sputnik. Хуссар Ирыстоны стыр аргъ кæнынц Луганскаг адæмон республикæимæ (ЛАР) ахастытæн. Уый тыххæй дзырдæуы Хуссар Ирыстоны президент Гаглойты Аланы арфæйы телы ЛАР сæргълæууæджы хæстæ æххæстгæнæг Леонид Пасечникы райгуырæн боны цытæн.
"Уырны мæ, дæ хайадистæй цы æмгуыстады æмвæзадмæ схызтыстæм, уый уыдзæн фидар бындур дыууæварсон æмархайды дарддæры райрæзтæн", - дзырдæуы арфæйы телы.
Гаглойты Алан бахахх кодта, Леонид Пасечник кæй у фæлтæрд политик, авторитетон разамонæг æмæ хъæбатыр адæймаг, кæцы йæ цард снывонд кодта Фыдыбæстæ æмæ йæ адæмæн службæ кæнынæн.
Паддзахады сæргълæууæджы зæрдæ загъта Пасечникæн сабырдзинад, амонд, æнæниздзинад æмæ стыр æнтыстытæ Луганскаг адæмон республикæйы адæмы хæрзæбонæн.