ЦХИНВАЛ, 23 мар – Sputnik. Цхинвалы хæларадон ахастытæ сфидар кæныныл Манагуа æмæ Каракасимæ æрдзырдтой Хуссар Ирыстоны Фæсарæйнаг хъуыддæгты министрады (ФХМ) сæргълæууæг Джиоты Æхсар æмæ республикæйы минæвар Никарагуа æмæ Венесуэлайы Козаты Нариманы фембæлды рæстæджы. Уый тыххæй цыппæрæмы хъусын кæны æддагполитикон уагдоны пресс-службæ.
"Баныхасы рæстæджы фарсытæ æрдзырдтой Никарагуа æмæ Венесуэлаимæ хæларадон ахастытæ дарддæр фидар кæныны фарстытыл", - дзырдæуы хъусинаджы.
Фембæлд ацыд Мæскуыйы, банысан кодтой ФХМ.
Никарагуа банымадта Хуссар Ирыстоны хæдбардзинад 2008 азы сентябры – Уæрæсе республикæйы суверенитет куы банымадта, уымæй дыууæ къуыри фæстæдæр. Уый фæстæ Хуссар Ирыстоны хæдбардзинад банымадтой Венесуэла, Науру æмæ Сири.
Козаты Нариманы снысан кодтой Хуссар Ирыстоны минæварæй Венесуэлайы 2016 азы июны. Уыцы аз майы йæ снысан кодтой республикæйы минæварæй Никарагуайы дæр.