ЦХИНВАЛ, 5 апр — Sputnik. Хуссар Ирыстоны райдыдтой Абхазы культурæйы Бонтæ. Республикæмæ æрцыдысты дыууæ сфæлдыстадон коллективы Абхазæй: Абхазы драммматикон театры труппа æмæ Абхазы кафт æмæ зарды паддзахадон ансамбль. Сфæлдыстадон делегацийы сæргъ лæууы Абхазы культурæйы министр Даур Кове.
Мадзал райдайдзæн æртыццæджы Хетæгкаты Къостайы номыл Паддзахадон драмон театры. Абхазы фæсивæдон театр æрбавдисдзæн кæсджыты размæ спектакль "Третий день войны" абхазаг адæмон фыссæг Шалодии Аджинджалы радзыдтæм гæсгæ. Изæры 18.00 сахатыл ацæудзæн концерт абхазаг артистты хайадистимæ.
Цыппæрæмы 13.00 Sputnik Хуссар Ирыстоны пресс-центры ацæудзæн пресс-конференци Абхазы Культурæйы министр Даур Кове æмæ Хуссар Ирыстоны культурæйы министр Дзæгъойты Радайы хайадистимæ.
Абхазы культурæйы Бонты мадзæлтты цытджын æрвыст ацæудзæн цыппæрæмы 18.00 паддзахадон драмон театры сценæйыл.