ЦХИНВАЛ, 7 апр - Sputnik. Хуссар Ирыстоны тыхон структурæтæ службæ кæндзысты фæтыхджындæргонд режимы динон бæрæгбонты рæстæджы – 8-10 апрелы æмæ 14-17 апрелы. Ахæм скъуыддзаг рахастой республикæйы Æдасдзинады советы уæнгтæ – уыдонимæ оперативон рабадт ауагъта президент Гаглойты алан, хъусын кæны паддзахады сæргълæууæджы пресс-службæ.
"Республикæйы æмбæстæгты æдасдзинад сæххæст кæныны нысанæн динон бæрæгбонты рæстæджы, паддзахады сæргълæууæг радта хæслæвæрд Республикæ Хуссар Ирыстоны тыхон структурæтæ æмæ уагдæттæн: ракæнын республикæйы тыхон структурæтæ службæйы фæтыхджындæргонд режиммæ 8-йæ 10-æм апрелмæ æмæ 14-æй 17-æм апрелмæ", - банысан кодтой пресс-службæйы.
Æдасдзинады совет ма æрсидт æмбæстæгтæм, кæцыты фæнды бабæрæг кæнын сыгъдæг бынæттæ æмæ уæлмæрдтæ арæнгæрон зонæйы, развæлгъау фехъусын кæнын РХИ ПÆК Арæнгæрон службæмæ æмæ æххæст кæнын уæвынады фæтктæ арæнгæрон зонæйы.