ЦХИНВАЛ, 11 апр – Sputnik. Хуссар Ирыстоны Мидхъуыддæгты министрады парадон къордтæ райдыдтой цæттæ кæнын æфсæддон парадмæ Стыр Фыдыбæстон хæсты Уæлахизы 78-æм афæдзыбонмæ.
"Бæрæгбонон маршы репетицитæ уагъд цæудзысты æрвылбон республикæйы Хъахъхъæнынады министрады плацыл", - дзырдæуы хъусинаджы.
Нысангонд æрцыд, парады хайад кæй райсдзысты мидхъуыддæгты органты 100 кусæджы: сылгоймæгты парадон къорд æмæ милицийы сæрмагонд нысаниуæджы къорды хæстонтæ. Механизацигонд колоннæйы сконды рацæудзæн МСНК бронетехникæ БТР-80 æмæ "Тигр".