ЦХИНВАЛ, 13 апр – Sputnik, Гæбæраты Элина. Хуссар Ирыстоны каратисттæ райстой призон бынæттæ æппæтуæрæсейаг ерысты "Кубок Кавказа". Уый тыххæй журналисттæн фехъусын кодта спортсменты тренер Созаты Владимир.
Ерысты фæстиуæгæн хуссарирыстойнаг спортсментæ райстой æртæ фыццаг æмæ дыууæ дыккаг бынаты.
"Сыгъзæрин майдантæ рамбылдтой: Икъоты Владислав, Ангелина Агаджян, Асаты Зæринæ. Æвзист майданты хицæуттæ баисты Александр Донской æмæ Цыбырты Анастасия", - банысан кодта тренер.
Ерысты хайад райстой Республикон комплексон сывæллæтты-æрыгæтты спортивон скъолайы хъомылгæнинæгтæ.
"Кубок Кавказа" уагъд цыд Ставрополы крайы горæт Светлограды.