ЦХИНВАЛ, 24 апр – Sputnik. Ивгъуыд къуырийы Хуссар Ирыстоны фæндæгтыл регистрацигонд æрцыдис дыууæ фæндагон-транспортон цауы(ФТЦ). Сæ фæстиуæгæн дыууæ адæймаджы госпитализацигонд æрцыдысты буары цæфтимæ, хъусын кæны къуырисæры республикæйы МХМ пресс-службæ.
Уагдонады информацимæ гæсгæ, нывæстон рейдты рæстæджы МХМ кусджытæ рабæрæг кодтой фæндаджы змæлды 288 фæткхæлды, æртæ хæдтулæгæйы скъæрæгыл бакодтой административон протоколтæ, автотранспорт кæй скъæрдтой нозтджынæй.
Уымæй дарддæр ма 17-24 апрельмæ Хуссар Ирыстоны территорийыл регистрацигонд æрцыди иу фыдракæнд, кæцы раргом кодтой мидхъуыддæгты органтæ. Æхсæнадон фæткхæлдты тыххæй милицийы кусджытæ æрдомдтой административон дзуапп цыппар адæймагæй.