ЦХИНВАЛ, 27 апр - Sputnik, Плиты Фатимӕ. Хуссар Ирыстоны Алайнаг епархи баххуыс кодта республикӕйы районты ӕххуысхъуаг цӕрджытӕн, фехъусын кодта Sputnik фыд Симон.
Хӕлцадон продуктты хызынтӕ райстой Лениногоры, Дзауы, Знауры ӕмӕ Цхинвалы районы 300 бинонтӕ. Ахӕм куыст епархи кӕны ныр 10 азы бӕрц.
"Алы аз дӕр арвитӕм ӕххуыс республикӕйы районтӕм, ӕххуысы тыхтонты вӕййы фыццаг рады ӕнӕмӕнгхъӕугӕ хӕлцад. Уыдон лӕвӕрд цӕуынц ӕххуысхъуаг бинонтӕн", - загъта фыд Симон.
Хуссар Иры Алайнаг епархи баххуыс кодта республикӕйы ӕххуысхъуаг цӕрджытӕн
© Photo : Аланская епархия
Уый ма банысан кодта, горӕты сӕ куысты ӕгъдау кӕй у чысыл ӕндӕр.
"Цхинвалы кусы моладзан Серафима йе 'ххуысгӕнджытимӕ. Уыдон бӕрӕг кӕнынц ӕххуысхъуаг адӕмы хӕдзӕртты, аразынц сын аходӕнтӕ, ӕфсайынц", - бафтыдта уый.
Ивгъуыд азты Цхинвалы Алайнаг епархи арӕзта ӕнӕаргъ сихортӕ иунӕг мӕгуыр адӕмӕн.