ЦХИНВАЛ, 2 мая – Sputnik. Хуссар Ирыстоны Гергиты Валерийы уарзынц æрмæст йæ хайбавæрды тыххæй нæ дунейон музыкалон культурæмæ, фæлæ ма йæ граждайнаг позицийы тыххæй, йæ егъау æххуысы тыххæй републикæйы адæмæн. Уый тыххæй дзырдæуы президент Гаглойты Аланы арфæйы телы Паддзахадон Мариинаг театры аивадон разамонæг – директор Гергиты Валерийæн 70 азы юбилейы цытæн.
"Концерт-реквием Цхинвалы центры, кæцы ацыд 2008 азы августы, байдзаг кодта хæсты æвирхъау цаутæ чи федта, уыцы адæмы зæрдæтæ ныфсæй ирд æмæ сæрибар сомбонмæ", - дзырдæуы арфæйы телы.
Президент бахахх кодта, Гергиты Валерий кæй у егъау курдиаты хицау.
Президент фидарæй загъта, Гергиты Валерийæн фидæны кæй уыдзæн бирæ ног сфæлдыстадон æнтыстытæ.