ЦХИНВАЛ, 3 мая — Sputnik, Гæбæраты Элина. Хуссар Ирыстоны паддзахадон университеты (ХИПУ) ректор Тедеты Вадим хайад райста Уæрæсе æмæ фæсарæйнаг паддзахæдты ахуыргæнæндæтты ректорты Форумы Екатеринбурджы. Уый тыххæй Sputnik фехъусын кодтой ХИПУ пресс-службæйы.
Форум уагъд цыд Свердловскы областы губернаторы резиденцийы. Форумы куысты хайад райстой Уæрæсе, Хуссар Ирыстон, Белоруси, Казахстан, Узбекистан, Киргизи æмæ æндæр бæстæты ахуыргæнæндæтты разамонджытæ.
"Форумы боны фæткы уыд темæ "Сетевое взаимодействие университетов как фактор интеграции высшего образования в евразийское пространство". Форумы докладимæ ралæууыд дунейы зындгонд ахуыргонд Сергей Глазьев", - радзырдта Тедеты Вадим.
Тедеты Вадимы баныхасы рæстæджы Сергей Глазьевимæ ректор фæхуыдта зындгонд экономисты æрцæуын ХИПУ-мæ лекцитимæ.
Уый размæ хъусын кодтой, Хуссар Ирыстоны паддзахадон университеты делегаци ректор Тедеты Вадимы сæргълæудæй хайад кæй райста æрвылазон фæсивæды Евразиаг æхсæнадæмон экономикон форумы куысты.
ХИПУ ректор Тедеты Вадим хайад райста Уæрæсейы ахуыргæнæндæтты ректорты Форумы
© Пресс-служба ЮОГУ