ЦХИНВАЛ, 4 май — Sputnik. Цæгат Ирыстоны уголовон агуырды оперативон кусджытæ æрцахстой Мæскуыйы 27-аздзыд азербайджанаджы, кæцы фæлывдæй расайдта республикæйы цæрджытæй 30 мин сомæй фылдæр, фехъусын кодта цыппæрæмы Цæгат Ирыстоны фæдыл Уæрæсейы МХМ пресс-службæ.
Раздæр оперативон кусджытæ сбæрæг кодтой, цæстфæлдахæг кæй сарæзта социалон хызы эксклюзивон дзабырты интернет-дукани. Æхца райсгæйæ фæлитой уæйгæнæг, нал хызт бастдзинадмæ æмæ блок кодта клиентты. Уыдон та бадзырдтой полицимæ, банысан кодтой МХМ.
"Оперативон-фæдагуырдон маздæлтты рæстæджы оперæххæсбарджынтæ сбæрæг кодтой гоймаджы æмæ зæрдæмæхсайгæйы бæрæг бынат – 27-аздзыд Азербайджаны райгуыргæ гоймаджы æрцахстой Мæскуыйы областы горæт Щелковойы, рæстæгмæ кæм царди, уым. Баластой йæ полицийы æввахсдæр фадыгмæ, уым йæ азымыл басаст", - радзырдтой министрады.
Зæрдæмæхсайгæйыл бакодтой уголовон хъуыддаг "Фæлывдми" уацмæ гæсгæ, ахæстоны йæ сбадын кæндзысты фондз азы æмгъуыдмæ. Уымæй дарддæр полицийы кусджытæ бæрæг кæнынц аналогион фыдракæндты ма хайад иста æви нæ.