ЦХИНВАЛ, 11 май — Sputnik. Цхинвалы бирæпрофилон колледжы студенттæ цæуынц практикæ Хъæууон хæдзарады министрады зайæгойтæ æмæ механизацийы фæдыл дæлхайады.
Студенттæ хайад райстой зайæгойты хъацыны куыстыты, афтæ ма фæллойæн зианхæссæг цæрæгойты ныхмæ тохы.
Уымæй дарддæр ахуыргæнинæгты базонгæ кодтой уалдзыгон быдырон куыстыты процессимæ æмæ агротехникон мадзæлтты комплексимæ.
Зайæгойтæ æмæ механизацийы фæдыл дæлхайады хистæр Мулдарты Игоры ныхæстæм гæсгæ, бирæпрофилон колледжы студенттæ равдыстой стыр цымыдис практикæмæ æмæ активон хайад райстой хъацæнтæй пайда кæнын куыстыты.