Цхинвалы администраци сцалцæг кæндзæн микрорайон БАМ-ы хæдзæртты кæртытæ

Sputnik
ЦХИНВАЛ, 11 мая — Sputnik, Гæбæраты Элина. Хуссар Ирыстоны столицæйы хæдзæртты алыварс территориты капиталон цалцæг райдайдзæн микрорайон БАМ-ы кæртыты хæрзарæзтадæй, фехъусын кодта Sputnik-æн Цхинвалы администрацийы цалцæггæн-арæзтадон дæлхайады хистæр Гæззаты Инал.
Ацы микрорайоны кæртытæ бирæ азты дæргъы хъæуы сцалцæг кæнын, бынæттон цæрджытæ бирæ хатт рахастой ацы проблемæ профилон уагдæтты размæ.
"Ацы аз нывæндæм сцалцæг кæнын кæртытæ Плиты Харитоны уынгыл, 29 æмæ 31 хæдзæртты. Проектон-сметон документаци ныридæгæн ис экспертизæмæ капиталон арæзтады дæлхайады. Æввахс мæйы дæргъы бавналдзыстæм куыстмæ", - банысан кодта Гæззаты Инал.
Хæрзарæзтады фæлгæтты сæвæрынц бордюртæ, æрнывыл кæнынц цъæх зонæтæ, лæууæнтæ, тротуартæ æмæ асфальт сæвæрынц кæрты территорийыл.
Цхинвалы администраци сцалцæг кæндзæн микрорайон БАМ-ы хæдзæртты кæртытæ