ЦХИНВАЛ, 15 май – Sputnik. Хуссар Ирыстоны МХМ фехъусын кодтой, ацæугæ къуыри регистрацигонд кæй æрцыд дыууæ аварийы.
"Фæндагон-транспортон цауты фæстиуæгæн фæмард иу адæймаг. Буары цæфтимæ Республикон бирæпрофилон медицинон центрмæ бакодтой иу адæймаджы", - дзырдæуы хъусинаджы.
Ивгъуыд къуыри ма республикæйы фæндæгтыл сбæрæг кодтой фæндагон змæлды 215 фæткхалды. Цыппар шофыры скъæрдтой автотранспорт нозтджынæй.
Милицийы кусджытæ алыхуызон фæткхæлдты тыххæй бæрнмæ æрбаздахтой 5 адæймаджы.
Уымæй дарддæр республикæйы территорийыл регистрацигонд æрцыд фондз фыдракæндты. Уыдон иууылдæр раргом кодтой мидхъуыддæгты органты минæвæрттæ.