ЦХИНВАЛ, 19 май – Sputnik, Дзæгъиаты Олег. Хуссар Ирыстоны парламент сфидар кодта Арбитражон тæрхондоны сæрдар æмæ тæрхонгæнджыты кандидатурæтæ, кæцыты бавдыста парламентмæ республикæйы президент Гаглойты Алан.
Арбитражон тæрхондоны сæргълæууæджы бынатмæ снысан кодтой Лалыты Иринайы. Тæрхонгæнджыты бынæттæм та снысан кодтой Гойаты Роман, Тедеты Осана æмæ Æлборты Мæдинæйы.
Скъуыддзаг рахастæуыд хъæлæсты фылдæр хайæ. Уымæй дарддæр парламентаритæ схъæлæс кодтой Хацырты Виолеттайы республикæйы Уæлдæр тæрхондоны сæрдары хæдивæджы бынатæй ссæрибар кæныныл.