ЦХИНВАЛ, 23 май — Sputnik. Театралон фæзуатыл 24 майы ацæудзæн рауагъдонтæн концерт. Уый тыххæй хъусын кæны горæты администрацийы пресс-службæ.
"24 майы, "Фæстаг дзæнгæрæг"-ы боны столицæйы Театралон фæзуатыл ацæудзæн рауагъдонтæн горæт Цхивалы администрацийæ организацигонд бæрæгбонон концерт", - дзырдæуы хъусинаджы.
Рауагъдонты раз ралæудзысты Хуссар æмæ Цæгат Ирыстоны стъалытæ. Зноны скъоладзаутæн раарфæ кæныны тыххæй концертмæ æрбацæудзæн республикæйы къухдариуæгад дæр.
Концерты фæстæ рауагъдонтæн сорганизаци кæндзысты кафт диджейы хайадистæй.