ЦХИНВАЛ, 31 май– Sputnik, Плиты Фатимӕ. Хуссар Ирыстоны Сабиты хъахъхъӕныны бон ацӕудзӕн Джыгкайты Беллайы чиныджы презентаци. Мадзал ӕрфысым кӕндзӕн Паддзахадон университет, фехъусын кодта Sputnik-ӕн чиныджы автор.
"Ныр фӕстаг аст аз нӕм хорз традици ӕрфидар, алы бӕрӕгбон дӕр нысан кӕнӕм чиныджы презентацийӕ. Ацы аз бавдисдзыстӕм мӕ чиныг. Уый у аргъау "Мыстулы бӕстӕ" дыууӕ ӕвзагыл - ирон ӕмӕ уырыссагыл. Йӕ рауадзынӕн финансон ӕххуыс бакодта ректор Тедеты Вадим", - загъта Джыгкайты Белла.
Уый размӕ аргъау мыхуыр ӕрцыд журнал "Фидиуӕг"-ы. Джыгкайты Белла у ӕнтыстджын сывӕллӕтты фыссӕг. Ӕмрӕстӕджы кусы ХИПУ-йы дӕр.