ЦХИНВАЛ, 31 май — Sputnik. Цæгат Ирыстоны Алагиры районы уадзынц куыстытæ Хетæджы Къохы хæрзарæзтады фæдыл – кувæндоны территорийы хæрзарæзтадыл архайы инициативон къорд, кæцыйы сконды ис æхсæз адæймаджы.
ПТРК Алания куыд нысан кæны, афтæмæй инициативон къордæн æххуыс кæны Алагиры районы администраци. 2022 азы Хетæджы Боны размæ фæхуыдтой районы скъоладзауты, кæцытæ волонтертимæ иумæ бафснайдтой территори.
Ацы аз нывæндынц сцалцæг кæнын Хетæджы Къохмæ фæндæгтæ. Афтæ ма тагъд фæуыдзæн мæсыджы арæзтад бацæуæны. Кувæндонмæ бацæуæны куыстытæ нывæндынц балхынцъ кæнын 15 июнмæ.
Уымæй дарддæр бæрæгбонмæ сæвæрдзысты информацион фæйнæджытæ туристтæн хи дарыны фæтктимæ.