ЦХИНВАЛ, 5 июн — Sputnik, Плиты Фатимӕ. Хуссар Ирыстоны командӕ ӕмбуар хӕстӕй хайад райсдзӕн дунейы чемпионаты финалы Беларусы, фехъусын кодта Sputnik ӕмбуар хӕсты федерацийы президент Уарзиаты Алексей.
Спортивон комплекс "Олимп"-ы ацыд федерацийы кусджыты фембӕлд спортсментимӕ. Фембӕлды рӕстӕджы дзырд цыд ерысты хайадистыл.
"Алкӕцы уӕзы дӕр нӕ бон у бавдисын дыууӕ спортсмены. Хъуамӕ нӕхи равдисӕм ӕмбӕлон уагыл, цӕттӕ кӕныны рӕстӕг нырма ис", - загъта уый.
Федерацийы президент ма зӕрдыл ӕрлӕууын кодта, ацы аз спортсментӕн кӕй уыд ӕнтыстджын.
"Дунейы кубокы фӕстаг этапы нӕ лӕппутӕ рамбылдтой иу сызгъӕрин, дыууӕ ӕвзист ӕмӕ фондз бронзӕйон майданы. Хуссар Ирыстоны спортсментӕн ахӕм ӕнтыст ис фыццаг хатт", - бафтыдта уый.
Хуссар Ирыстоны ӕмбуар хӕсты Федерацийӕн бындур ӕвӕрд ӕрцыд 2015 азы.