ЦХИНВАЛ, 5 июн – Sputnik, Гæбæраты Элина. Хуссарирыстойнаг клуб "Рухс сомбон"-ы хъомылгæнинæгтæ ссисты ерысты призертæ тхэквондойæ, кæцытæ ацыдысты Уæрæсейы Ростовы областы. Клубы президент Гуыцмæзты Валерий куыд радзырдта Sputnik-æн, афтæмæй æвзонг тхэквондисттæ хайад райстой горæт Шахтыйы квалификацион фыццагады, афтæ ма ерысты Ростов-на-Донуйы.
"Горæт Шахтыйы ерыстæ цыдысты 1-3 майы, Ростовы та цыппæрæм июны. Шахтыйы нæ фæсивæд райстой дыууæ фыццаг, дыууæ дыккаг æмæ иу æртыккаг бынат. Ростовы та хъомылгæнинæгтæ рамбылдтой æртæ сыгъзæрин æмæ дыууæ æвзист майданы", - загъта тренер.
Уый банысан кодта, Шахтыйы сыгъзæрин призертæ ссисты: Тедеты Амага æмæ Цхуырбаты Валерия. Дыккаг бынæттыл ацыдысты Чехойты Алеся æмæ Гæззаты Артур, æртыккагыл та Плиты Æхсæртæг.
Ростов-на-Донуйы ерысты уæлахиздзаутæ сты Цхуырбаты Валерия, Плиты Æхсæртæг æмæ Чехойты Алеся. Уымæй дарддæр æвзист майдантæ рамбылдтой Гæззаты Артур æмæ Тедеты Амага.
Гуыцмæзты Валерийы ныхæстæм гæсгæ, ахæм ерысты æнæмæнгхъæугæ сты спортсменты профессионалон райрæзтæн.
Хуссар Иры тхэквондисттæ ссисты ерысты призертæ Уæрæсейы
© Photo : Из личного архива Валерия Гучмазова