ЦХИНВАЛ, 6 июн – Sputnik, Гæбæраты Элина. Хуссар Ирыстоны фидæны экопарчы территорийыл ацæудзæн зиу. Уый тыххæй Sputnik-æн фехъусын кодта "Цъæх Аланийы" змæлды лидер Габайты Зæлинæ.
"Юстицийы министрады махæн, куыд æхсæнадон экологон змæлд "Цъæх Алани", сарæзтой документтæ, цæмæй бавналæм экопарчы арæзтадмæ раздæры хъæу Чъехы районы. Хонæм алкæйдæр, кæй фæнды, цæмæй республикæйы уа сыгъдæг. Акци нывæндæм ауадзын сабаты", - банысан кодта æхсæнадон змæлды разамонæг.
Уый ма банысан кодта, физикон куыстæй дарддæр дзы кæй уыдзæн алыгъуызон хъæзтытæ æмæ конкурстæ.
Автобустæ цæудзысты Цхинвалы Театралон фæзуатæй 10 июны 10.30 сахатыл.